Ата заң – мемлекет тірегі
Мектебімізде 11-сынып оқушыларының қатысуымен «Ата заң – мемлекет тірегі» атты сынып сағаты өтті. Шараның басты мақсаты – оқушыларға еліміздің басты құжаты Конституцияның маңызын түсіндіру, заңға деген құрметті арттыру және азаматтық жауапкершілікті қалыптастыру.
Сынып сағаты барысында оқушылар Қазақстан Республикасының Конституциясы туралы ой бөлісіп, оның қоғамдағы рөлі мен мәнін талқылады. Әртүрлі тапсырмалар, сұрақ-жауаптар арқылы білімдерін шыңдап, құқықтық сауаттылықтарын арттырды.
Осындай тағылымы мол шаралар жас ұрпақты елін сүйетін, заңды құрметтейтін саналы азамат болып қалыптасуына өз үлесін қосады.